Samsung компани Galaxy Note 7-ийн шинэ хувилбарыг гаргана

Ухаалаг гар утасны үйлдвэрлэлээр дэлхийд тэргүүлж багйаа Samsung компани Samsung Galaxy Note 7 гар утасны програм хангамжийг шинэчлэн гаргахаар болсноо зарлав. Тус компани наймдугаар сард зах зээлд гаргаад байсан Galaxy Note 7 ухаалаг утасныхаа худалдааг есдүгээр сарын 2-нд зогсоосон юм. Энэ гар утас дэлбэрч, шатсан тохиолдол хэд хэдэн удаа гарсны дараа хэрэглэгчийн гар дээр очоод байсан 2.5 сая гар утсыг эргүүлэн татсан билээ. Galaxy Note 7-ийг цэнэглэж байх үед зай нь хэтэрхий халж шатаж байсан нь ийнхүү эргүүлэн татах шалтгаан болсон юм. Хамгийн сүүлд Японд Galaxy Note 7 гар утас халан шатсан тохиолдол гарчээ. Нийтдээ 35 гар утаснаас ийм доголдол илэрсэн аж. Нэгэнт худалдан авсан Galaxy Note 7 гар утсаа буцааж өгч чадахгүй байгаа иргэд 60 хувиас илүү цэнэглэхгүй байхыг Samsung компани зөвлөж байна. Galaxy Note 7 ухаалаг утасны шинэчилсэн хувилбар есдүгээр сарын 20-нд Өмнөд Солонгост худалдаанд гарах ажээ. Харин дэлхий даяар хэзээ худалдаанд гарах нь тодорхойгүй байна.

АНУ-ын эрх баригчид ард иргэддээ хандаж Samsung Galaxy Note 7-ийг ашиглахгүй байхыг анхаарууллаа. АНУ-ын Холбооны нисэхийн газар энэхүү ухаалаг гар утсыг нисэх онгоцонд авч орохыг хоригложээ. Өөр хэд хэдэн орны авиакомпаниуд мөн ийм хориг тавьжээ.